| Geri's profile小魔女啫喱 的分享空間BlogLists |  Tools  Help |
|
June 29 泳衣嬸嬸星期二比咗d泳衣我, 送到公司,好開心咁即刻拆開黎睇, 點知今次個批 d size都好大, 結果大部都唔岩, 好啦...今日Vicki終於返到公司, 叫佢去"簡", 結果佢都係要到兩件, 其他太大,我哋唯有叫晒公司D 鬼妹去試, 我今日終於見識到點解"外國既月光特別圓"同埋咩叫"世界波", 佢哋個身材真係***好好好勁勁勁***厠所門一開, 我睇心都停埋...流晒鼻血...結果大碼個D泳衣, 佢哋差唔多要晒, 都會唔好晒咗D泳衣 June 26 好頭痛 ~.~"星期六晚-->去排舞, 大家期待已久既**有$$師奶母子**終於出現啦, OUTLOOK一般啦, 佢哋帶咗佢哋所"演繹"既CD黎比我哋排舞, Miss話用黎練, 點知....當一播既時候, 我哋個個都笑到碌地, 拍子同原裝分別好大, 佢兩母子所唱既歌詞,我哋根本聽唔到,只可以用三個字形容***一舊舊***, d拍子一陣又好快, 一陣又好慢, 一陣又正常, 明明首歌3分鍾, 無啦啦又加到3分半鍾, 個個都跳到"扁晒咀", 7首歌全部都要執過晒, Miss塊面黑到爆...
星期日-->好得閒, 瞓到"日上三竿"至起身, 下晝就去咗跑步, 出咗好好好多汗, 但夜晚就頭痛, 6:30就瞓啦, 瞓到今朝7:30, 又再一次証明我係睡寶寶...
今朝瞓醒, 依然頭痛, 好啦我都係要向痛苦低頭, 結果我都係要食藥...返到公司, 好多野做呀  ...希望今日唔洗OT啦... June 21 扮靚靚今日心情都唔錯
 ...今日著咗條新裙, 公司好多人讚我靚, 個個都問我今晚去邊, 係咪去"飲", 我答人***去拜山***哈....著個"飲樣"去拜山真係我至講得出口, 其實今日全身加加埋埋都唔過200蚊, 真係抵到爛鞋 65.0
裙 59.0
耳環 6.0
頸飾 2.0
total 132.0
真係要比10個叻自己
 唉...不過尋晚跳舞個陣就可以用得上兩個字形容"求其", 我勁求其咁跳, 求其跳完就算, 都冇心機跳, 又教得慢, 我愈來愈唔想返旺角跳 , 係咪我要求高呢?以前都唔係咁架, 以前返去玩得好開心架, 但好玩開個班好多都玩玩吓唔玩啦, 依家個d又唔熟...  June 20 ^.^"唉...都唔知做乜...係屋企成日都去唔到部落格, 搞到咁多日都冇得寫...
近排個人成日都無無聊聊咁....返工放工, 返學放學, 再唔係就跳舞,其他時間都係屋企...悶...我幾時開始變咗做一個悶蛋架, 點解會咁架???
終於都放工...今日成日係公司, 悶到抽筋...仲要等到8:00先到我跳舞, 返到去我又唔係學, 仲要教返人, 教都唔係一個問題, 問題係會見到d唔想見到既人, 明明係初哥, 返得個4堂, 不斷係喥扮勁咁教班師奶...見到都真係***哈哈哈***, 唔係唔抵得, 而係見到佢教錯晒d舞步, 自己又唔記得個樣好好笑 June 15 小矮人搭火車**柱女旅程**尋日要返學,又係一樣啦, 搭火車去沙田返學, 勁多人呀... 上到車, 有個好矮既女仔(大約20++歲), 我唔知係似住自己矮定係點, 架車已經好好好多人, 佢都仲"唉"落條扶手柱度, 其他人d手就差唔多擺到上頂, 有冇搞錯呀...小姐, 咁多係要使用依條扶手柱...你可唔可以比d公德呀???最搞笑就係, 佢個身高同我身高...依位小姐呢,就真係好鬼矮,佢個身高到我條頸左右, 哈...我同依位小姐面對面咁企, 我兩個"咪咪"就對正佢對眼, 我真係胸佢呀...由於我係扶住條扶手柱, 手係提高形態...咁個小姐個頂點"頭瞉"就係我"隔勒低"佢又對到正...哈...車終於都到大圍, 心諗可以少人d, 係真係少人咗, 但依然都係擠迫, 小矮人小姐依然"唉"係度, 我實在忍唔住出手...結果我扮晒野咁...用手踭"哼"佢個頭***3***次, 佢望吓我, 又唔望出聲, 到沙田我就落咗車啦...小矮人小姐就繼續佢個"柱女旅程"
June 13 好忟今日好忟..."田田"尋日又話今日會拎張"簽收單"比我, 結果呢, 又係放我飛機, 佢幾時做野至可以交帶d架!!!
公司d supplier又唔聽話, 死人仆街公司"燦坤"2個星期前plan咗今個星期走3隻大柜, 結果淨係走左1隻大柜, 仲要係個order既一半數, 想點呀, 咩公司黎架.次次都係咁 June 12 好攰呀....今日成日個右背到腰都攰呀...酸到死, 聽晚都唔知跳唔跳得郁...
今朝"田田"終於都confirm咗唔去船河啦...我好想發脾氣, 你條仔一早都同你講咗唔去船河架啦, 星期六問你都唔答我, 係都要拖到星期一, 最唔鍾意人拖野, 個仆街係咁, 依家"田田"又係咁  好鬼慶June 11 痴咗線今日下晝3:30開始排舞,排到5:30, 走個之後仲同阿Za去咗食Tea, 返到屋企都 7點幾囉...但仲好想去跑步, 結果我就去咗"馬中"跑步, 跑咗半個鍾, 成身濕晒, 鎖骨位仲裝著d汗, 一路跑 d 汗一路, "啷啷"好耐都未試過咁多汗啦...好勁呀  June 08 比人鬧>.<今晚跳volar個陣, 比miss鬧...  , 舊個d舞步, 有少少唔記得, 企左係度笑, 就比佢鬧, 甩左都要即刻跟返...唉...miss近排好"燥",今個星期比佢插左2次啦, 星期二1次, 今晚又1次...我自己好都好緊張呀!!!7月31日西灣河表演就跳4隻舞,8月5日沙田表演就跳1隻舞, 個腦就要記6隻舞既舞步...咁大個女都未試過咁緊張, 好大壓力呀...自己衰就好啦, 唔好失禮missJune 06 有冇搞錯???頭先上堂個陣收到個仆街既sms, 佢話我好煩, 又用$$ "達"我 , 叫我開個价, 有冇搞錯呀???, 唔係你既野梗係要比返人啦, 男人老狗收埋ex gf既野, 仲要拖左2個月有多都遲遲唔比返人!!!咩人黎架???有$$大晒咩...2個月之後先追你, 你仲要惡人先告狀???今日唔靚女唉...今朝一瞓醒, 嚇咗一跳  , 塊面左下抓位,有粒豆豆, 個下抓腫到好似"巴斯光年"咁, 唔敢化妝...尋晚send"紅日"個半條片比三姐妹佢哋, 搞到成點半至瞓, 豆豆+黑眼圈...救命呀...June 05 唔開心經過尋晚同個仆街既sms對罵, 我真係愈來愈恨佢...咁大個女拍拖都未試過咁樣恨一個人, 我知道人生好短, 唔應該為左d咁樣既人咁勞氣, 但真係好嬲,做咩啫... 咁大個人好黎好去嘛, 成日講完野都唔算數, 仲話做警察, 真係影衰晒香港警察, 我呸..... |
|
|
