| Geri 的个人资料小魔女啫喱 的分享空間日志列表 |  工具  帮助 |
|
7月26日 辛苦命唉...今日做到成9點至走, 好鬼眼瞓, 又好鬼攰, 返到屋企啦啦聲沖涼瞓覺, 今個星期真係過得好快, 話咁又到月尾, 好快就7月31日啦, 唔知到時點呢, 排咗咁耐, 希望個show出黎唔錯啦... 7月24日 忙碌的一天今日未返工前已經知道今日會好鬼忙...唉...成朝係咁做係咁做, 對手都未停過, 忙到連lunch都冇食到呀~~~
今日"田田媽媽"黎咗公司買野, 佢買咗3個pan,1個鑊,1個汁汁機, 佢買咗成個鍾有多呀...佢買得好開心, 我自己今日都係公司買咗個西施煲, 同汁汁機, 全部都係媽媽大人要的, 唉...咁重點拎返屋企...
今日原來係我舊曆生日, 真係好忙呀, 忙到自己都唔記得咗, 到下晝先記得, 係喎今日生日...不過算啦...新舊曆都係一個人過架啦 7月19日 愛情遊戲今日有個女性朋友同我講, 佢話佢終於選擇咗, 佢選擇一個比較穩重既男性做新男朋友, 我當然希望佢可以開花結果啦...
***愛情***真係好得意, 一個可以另你短時間內極度悲傷, 又以另你一日笑口常開既遊戲, 哈...唔講都唔覺, 原來我都單身咗三個月啦 7月18日 好攰呀~~~今日同尋日都好多野做呀!!!原本尋日仲打算可以寫埋日記, 點知OT到9點, 仲要唔記得Gen weekly report, 返到屋企沖完涼, 就啦啦聲瞓啦, 真係好好瞓呀...瞓到今朝唔知醒, 成8點7至醒, 仲唔澎澎聲執野走人咩....今日個生產力真係好強呀!!!做到對手都未停過, 但都依然仲有好多野未做完...
星期日個船河真係玩得好開心呀~~~嘈到隔離船都望住我哋呀!!!哈...打牌, 輸咗要跳海, 開頭都好哋哋, 唔洗點跳, 點知好衰唔衰, 冇帶眼鏡打, 明明有舖係食二,五筒, 自己又睇唔清楚, 唔知邊個打隻四筒我就以為五筒, 食炸糊, 輸爆廠, 好在都係跳海跳2次, 愛麗斯出沖八番比阿沛, 跳8次, 跳到腳軟...哈 7月13日 好似肥咗少少唉....死啦....近排好似肥咗少少咁, 個腩腩好似成日想走出黎同人say hi咁....典扇呀!!!
 ...近一個星期個運動量已經好勁, 淨係上星期, 跳舞跳咗9個鍾, 隔日就跳, 但就好似仲肥咗咁, 我已經唔敢食咁多野架啦...星期日仲船河...唉...唔敢想像.今晚又去跳舞啦...hehe...終於跳新歌啦, 係***super model***, 我係旺角見到阿老婆同阿蠢跳得好型, 所以又叫canny教.
7月10日 超級眼瞓~~~排咗2日舞, 個腦都冇停過, 記完一隻又一隻舞, 星期六就排到10:45第二朝都未瞓醒又起身出去排, 尋晚仲打算一早瞓, 補返條數, 點知瞓來瞓去都瞓唔到, 結果就起身玩電腦, 成點至瞓到...好眼瞓呀~~~~  7月7日 悶~悶~悶今日真係覺得好悶, 唔想做野, 又好眼瞓, 但尋晚都係12:00瞓, 都唔係好夜, 近排成日都覺得好攰又好悶...唉...我做咩呀???以前都唔會咁, 成日都鬼打咁精神, 仲成日都好開心,周圍整估人,依家成日都好似好upset咁...........
聽日又星期六啦, 我覺得我依家好似成日都好晒時間咁, 好浪費個人生, 自己好feel到 7月6日 轉場啦!!!我哋今日終於轉場啦...今日第一堂轉過去"青年會書院"跳舞, 唔知依家D學校會轉成點呢???不過轉成點都好, 要玩就要行咗5層樓樓梯先...唉...行完5層樓梯, 都唔知仲有冇力跳舞...希望一陣有驚喜啦  7月5日 有點點...唔開心7月31日就快到啦...個show既舞到依家依然未排晒, 真係好擔心, 點解有d人可以咁冇責任心???, 明明認誠咗話會出現排舞, 結果梗係成架747咁車埋Canny喥啦..., 其實如果你冇心去排去練, 你不如唔好答應人, 我真係好唔鍾意囉, 不過...人家可能真係唔得閒, 又或者其他原因, 再者我都唔可以話人話,我只不過係一個參與者, 並唔係老細, 老師, 我點以話人, 我都係練好自己個part...  7月4日 我姣婆守唔到寡今晚又要返旺角跳舞, 好唔想見到一個人, 點算好呢...一陣間???其實係旺角玩到真係好悶, 馬鞍山就愈來愈好玩喎, 但跳開唔跳,咪仲悶, 依家成日覺得悶...唉...我都係姣婆守唔到寡架啦...都係返去跳舞吧啦... |
, 今個月幾時至過完呀~~~
|
|
