| Geri's profile小魔女啫喱 的分享空間BlogLists |  Tools  Help |
|
|
August 14 我覺得好型呀...今日返到公司, 個個都話我晒到燶晒, 但我覺得黑d咪仲型, 今日係公司好忙呀...淨係打單都打咗10份啦, 手都軟晒, 放工又要嘭嘭聲走人返學, 希望聽日唔會咁忙啦 August 13 好好玩噚日同咗小琪班同事去咗石澳玩, 成班都三九唔識七, 差不多全部男仔都係ABC, 開頭諗住唉...是但啦悶悶地, 橫掂又冇得去玩電單車, 游吓水都好啦, 當識多個朋友啦, 開頭都有少少悶, 到搭巴士去石澳個程, 就開始多野講啦, 成架巴士我哋好嘈, 班ABC原來個個都係岩岩返咗香港兩個月咗右, 個個係香港都冇乜朋友, 所以成日一齊玩, 傾傾吓好快咁我哋就到咗石澳,落到去我哋燒咗大約一個鍾到我哋就開始去SWIM SWIM, 班ABC租咗隻吹水艇, 咁有3個唔識游水就坐咗上艇仔, 連埋我6個人就推佢哋3個出浮台, 嘩...真係攰呀  , 跟住唔識游個3個, 佢哋又自己坐返落隻艇仔, 撥撥吓又返咗去, 我哋6個就自己游返埋去, 返去個程好舒適, 基本上唔洗點郁,D浪都會推你返埋去, 但到仲差少少至到地既時候, 我真係唔夠氣啦, 結果就係飲咗兩啖海水, 之後都係係近岸玩, 哈...我哋成班玩到隻艇仔都爛埋, 結果有人去換咗個浮床返黎玩, 一樣玩到顛晒, 由其時佢哋個"米高蛇"勁搞笑, 最尾一次出浮台又係我, 拉一個唔識游水但又好大瞻話要出去既小琪, 今次就冇上次咁攰啦, 我同班ABC玩到顛晒,又同埋佢哋個阿SIR一齊周圍昅女, 我真係好似個麻甩仔...哈..., 不過我自己都比人勁昅, 是但啦, 人昅我我昅人, 一樣啦, 我哋人太多, 之前買去既飲品全部都飲晒, 到第二次話要買野飲, 我咪諗住去幫手拎, 一個人拎好鬼重, 結果連埋我就6個人 , 哈...3男3女, 我哋玩到冇野好玩, 叫D男仔一個揹一個女仔, 鬥快跑去士多, 佢哋又真係做喎...最後都係跑到公厠, 我哋最後係石澳玩到成11點至走, 去返筲箕灣, 跟住我哋都仲有6個人唔想屋企, 我哋去咗銅鑼灣樓上Cafe飲野, 玩吓飲吓傾吓, 又轉吓場, 最尾成3點至走, 同佢哋一齊玩 真係幾開心, 下次有得去玩, 我都要去先得August 11 好朋友嘩...終於都可以正正經經咁坐定定update一吓我個部落格啦....星期三到今日星期五都好忙呀...
星期三...登登登登, 終於到啦, Happy Birthday to me
 , 原本之前約咗大細陳lunch一齊食飯架, 叫咗佢哋唔好帶飯架啦, 又帶咗...結果就冇同佢哋一齊食lunch,  6點啦, Match Club班 fd同我慶祝生日, 哈...成班玩到冇野好玩, 係9/F間大房, 閂晒燈, 要我搵返晒d人出黎, 難得大細陳又一齊顛喎, 咁咪搵囉, 嘩...黑到完全真係伸手不見五指, 細陳同vicki就好易搵呀...搵阿大陳個陣最搞笑, 子正...我今期真係你唔住呀!!!我用腳"伸"咗你老婆個pat pat 3 吓呀, 阿汀係最後一個搵到, 搵齊於都開返燈, 搵完人, 又到搵birthday gift, 搵咗好鬼耐先搵到, 不過都好鍾意呀, 係一對耳環同一條頸鏈, 啦啦聲即刻帶晒上身啦, 佢哋話係阿秋"簡"架, 張生日咭阿Loy同阿汀整緊...勁呀...之後約咗田田, Jackson, Frankie, Edmond唱K, 好耐都冇唱過啦, 我諗都有半年啦...
8點鍾去到, 咁岩係電梯口見到Jackson, 準備上去大展歌喉之前, 除底個mp3, 點知就出事啦, 我其中一隻生日耳環解體咗呀...好在執得返晒咋, 我即刻send SMS話比阿汀知, 阿汀叫我第二日帶返公司比秋拎去換, 好快就人齊啦, 我哋5條友又好開心咁玩咗兩個鍾, 10點零11點就散咗lu...之後我就同田田去咗飲野, 我哋真係好多野講呀, 講到人哋舖頭 1:30收舖先走, 返到屋企都成2:00啦...我成日都話自己好好彩, 我有好多好關心我, 好鍚我既朋友...生日...又一次証明我係一個好幸褔又好彩既女仔...我好多謝我所有朋友咁關心我, 真係要講句, 我愛你哋呀
 *****************************
星期四...魚夫之寶上身, 勁眼瞓, 朝早已經冇返工, 下晝返到公司勁多要做返, 抵死啦...之前一晚玩到咁晏, 梗係攰啦...不過夜晚都係有去跳舞
*****************************
星期五...都係好眼瞓, 不過d野總算做得掂, 原本之前係約咗Zoe唱K, 到放工都係唔好啦, 返屋企瞓覺把啦, 第二日又要一早起身去石澳 August 08 邊個話聽日就生日, 但一d都唔覺得開心, 邊個話生日一定快樂...雖然聽日會有兩班朋友同我做生日, 但我一d feel都冇, 我只係覺得唔開心, 今日係公司, 好好彩冇比大番薯捉入房, 但都好忙, 對手一路都冇停過, 好唔容易, 終於7:30啦啦執埋d野去跳舞, 一心諗住可以輕鬆吓, 點知miss同上星期四一樣, 黑口黑面, 發生咩事呀?????  我係黎學野, 你唔好比色我睇呀...之前我就體諒你一個月要出show3次壓力大咋, 但最後一個show都係星期六完埋啦, 我唔受你色架啦...個個都見到對我好嚴厲, 可能你想我好, 但都唔好比面色我睇, 公司已經好大壓力, 再係咁我就黎發顛啦... August 06 有show睇今日扮靚靚途中saman打比我, 問我今晚得唔得閒, 佢話有兩張**新城煲冬瓜頒獎禮**飛, 史提芬唔得閒同佢去, 就叫咗我去, 諗住是但啦, 橫掂係屋企都係悶悶地, 咁咪去囉...話咁快我哋就約咗食埋野, 又夠鍾入場啦...個位置相當好,非常之前, 前到係坐係d歌星後尾, 好似人哋d400蚊位, 其實個show都係好似我平時係屋企睇電視既差不多冇乜特別, 但最好睇就係 Fans vs 食蕉, 真係好好笑, d Fans成晚一見到自己鍾意個偶像就衝晒出黎, d 食蕉就成晚好似"趕雞仔"咁, 趕佢哋返自己個位, 有時有d唔肯走, 個食蕉就企係佢前面, 等佢睇唔到, 有d就仲搞笑, 拎住個牌一路行一路睇, 個食蕉又要跟佢咁一路行一路趕...搞鬼 August 05 我有Fans呀!!!今日係沙田大會堂表演, 跳**萬眾期待**, 1:00就約咗Amy, 阿za, '靚妹''廖碧兒'+ 加阿妹, 六個人去約茶, 真係食七咁食, 埋單六條女竟然係400蚊有多,
 ....不過都因為時間關係啦...結果係要打包, 之後就澎澎聲過大會堂去到化妝間, 嘩miss好勁呀, 淨係佢個名Canny Chow既化妝室都有3間房, 仲有成15個専業化妝set頭師幫我哋50幾人化妝set頭, 勁勁勁呀...但又係時間關係啦, 淨係set咗個頭就去落去彩排啦, 排咗兩次,我都冇比miss話都算係咁囉...但到第二次個陣, 我因為feel到個頭"甩甩到"自己一路跳, 一路笑...到另一班排, 我哋就係落台等, 突然有個小妹妹拎埋盒朱古力(個小妹妹都係miss既學生, 但聽講係讀緊小學)走埋黎我身邊同我講, ***姐姐你跳得好勁呀, 我請你食朱古力呀...***嘩...嘩...嘩...個感覺hight到完全形容唔到
 ...跟住就再總彩排一次, 就又要返去化妝室, 化妝set頭, 由於我哋係尾三表演, 所以一路就係咁等到夜晚9:15, 終於都到我哋表演啦...登登登登...我黎啦, 臨出台前仲叫阿妹同我錄低佢, 跳個陣都冇乜壓力, 因為望落觀眾席黑忟忟乜都睇唔到, 所以冇壓力, 話咁快就跳完, 阿蠢話比我知, 我哋好齊好勁, 跟住阿妹就同我講, 錄到一半冇電, 錄唔到, 失望到爆燈, 不過算啦, 仲有其他人錄咗, 到最尾係阿蠢, 阿老婆佢哋跳, 有經驗即係有經驗啦, 真係跳得好鬼好睇, 好給引, 佢哋跳完就謝幕啦...大家都跳得好開心, 唔知我哋又幾時有機會表演呢 August 04 我叫黑仔今日真係好黑仔  ...真係好唔開心, 其實連續兩個星期都有好多是是非非, 真係好煩好煩, 希望依d事快d離我而去, 今朝一返工又比個死老野捉咗入房, 哝哝哦哦, 嘈足一朝, 佢梗係太得閒...August 03 真係好忙呀...由上星期日開始就好忙啦, 星期日排完舞, 拎住3套表演服, 輪輪盡盡咁, 同阿za/阿妹/三妹 4條女殺入花園街, 搵今個星期六表演d衫, 殺呀......衝呀......, 經過一輪努力, 結果就係......
 算吧啦...好在仲有少少時間, 留返d體力聽日表演...回家啦星期一, 一朝早就起咗身去返學, 跟住返屋企同阿妹食lunch, 跟住就同阿"靚妹"搭車去西灣河, 我哋好準時就到啦...冇耐 阿za, 三姐妹都到齊啦...我哋都冇等埋miss就自己上去先啦, 上到去周圍"中"周圍行, 成個大鄉里咁...又過咗一陣其餘既人都到齊啦, 我哋原來有有專用化妝間架, 不過就細d啦....跟住就啦啦聲化妝, set頭, 排位, 哈....唔好漏咗....就係叫飯, 時間好快好快咁就到7:00啦, 正式開show啦, 第一首就係**熱情的沙漠**音樂好大聲呀,節奏又快咗好多, 好緊張...跳完就好似發緊夢一樣, 落台即刻比miss鬧啦, 話我個樣好緊張, 唔識笑....唉.....我都唔想, 但我自己原來做咗都唔知, 好快又跳**天女散花**排個陣, 我已經笑到顛咗, 個女人, 明明未到佢唱, 無啦啦係我身邊閃出黎, 咁岩個台又放煙, 佢好似隻鬼咁, 自己轉完一個圈又閃返入後台, 結果又係比miss鬧啦, 話我唔専心, 跳完**天女**有排先再到我, 成班係後台悶到發風, 阿二妹同三妹係出台前個位搵到塊鏡, 成班走埋去塊鏡前面係咁影相....哈....我哋真係好悶, 好啦到最後啦, 終於都到**紅日**啦, 初頭大家都跳得好輕鬆, 仲好齊, 因為**紅日**係最易跳, 但咁就出事啦, 原本條友唱到第二次副歌我哋又走位, 佢無啦啦又唱多一次, 結果7條友企咗係度2-3秒, 真係有驚無險咋, 後尾我哋聽返音樂跟返黎跳...
 最後一首都跳埋啦, 澎澎聲換衫走人啦, 我哋6個走咗去食宵夜, 跟住搭巴士返屋企, 返到屋企個個都唔願瞓, 用msn係咁過相, 搞到成3:00至瞓...星期二, 7:00就要起身返工, 瞓得個3個,鍾 好鬼眼瞓, 成朝係度釣魚, 同過返之前一晚d相, 正下晝就好d啦, 但都係冇乜做過野, 夜晚都仲返去學跳舞, 我真係好勁呀....返到屋企沖涼瞓覺, 瞓到成隻朱咁...
星期三, 遲到, 可能太攰, 瞓到成9點至醒, 仲要係阿妹叫至識醒, 返到公司扮晒冇野咁, 坐返埋位做野, 夜晚又去返學...
星期四, 依家就冇咩野, 今晚又去學跳舞, 今個星期真係充實 July 26 辛苦命唉...今日做到成9點至走, 好鬼眼瞓, 又好鬼攰, 返到屋企啦啦聲沖涼瞓覺, 今個星期真係過得好快, 話咁又到月尾, 好快就7月31日啦, 唔知到時點呢, 排咗咁耐, 希望個show出黎唔錯啦... July 24 忙碌的一天今日未返工前已經知道今日會好鬼忙...唉...成朝係咁做係咁做, 對手都未停過, 忙到連lunch都冇食到呀~~~
今日"田田媽媽"黎咗公司買野, 佢買咗3個pan,1個鑊,1個汁汁機, 佢買咗成個鍾有多呀...佢買得好開心, 我自己今日都係公司買咗個西施煲, 同汁汁機, 全部都係媽媽大人要的, 唉...咁重點拎返屋企...
今日原來係我舊曆生日, 真係好忙呀, 忙到自己都唔記得咗, 到下晝先記得, 係喎今日生日...不過算啦...新舊曆都係一個人過架啦 July 19 愛情遊戲今日有個女性朋友同我講, 佢話佢終於選擇咗, 佢選擇一個比較穩重既男性做新男朋友, 我當然希望佢可以開花結果啦...
***愛情***真係好得意, 一個可以另你短時間內極度悲傷, 又以另你一日笑口常開既遊戲, 哈...唔講都唔覺, 原來我都單身咗三個月啦 July 18 好攰呀~~~今日同尋日都好多野做呀!!!原本尋日仲打算可以寫埋日記, 點知OT到9點, 仲要唔記得Gen weekly report, 返到屋企沖完涼, 就啦啦聲瞓啦, 真係好好瞓呀...瞓到今朝唔知醒, 成8點7至醒, 仲唔澎澎聲執野走人咩....今日個生產力真係好強呀!!!做到對手都未停過, 但都依然仲有好多野未做完...
星期日個船河真係玩得好開心呀~~~嘈到隔離船都望住我哋呀!!!哈...打牌, 輸咗要跳海, 開頭都好哋哋, 唔洗點跳, 點知好衰唔衰, 冇帶眼鏡打, 明明有舖係食二,五筒, 自己又睇唔清楚, 唔知邊個打隻四筒我就以為五筒, 食炸糊, 輸爆廠, 好在都係跳海跳2次, 愛麗斯出沖八番比阿沛, 跳8次, 跳到腳軟...哈 July 13 好似肥咗少少唉....死啦....近排好似肥咗少少咁, 個腩腩好似成日想走出黎同人say hi咁....典扇呀!!!
 ...近一個星期個運動量已經好勁, 淨係上星期, 跳舞跳咗9個鍾, 隔日就跳, 但就好似仲肥咗咁, 我已經唔敢食咁多野架啦...星期日仲船河...唉...唔敢想像.今晚又去跳舞啦...hehe...終於跳新歌啦, 係***super model***, 我係旺角見到阿老婆同阿蠢跳得好型, 所以又叫canny教.
July 10 超級眼瞓~~~排咗2日舞, 個腦都冇停過, 記完一隻又一隻舞, 星期六就排到10:45第二朝都未瞓醒又起身出去排, 尋晚仲打算一早瞓, 補返條數, 點知瞓來瞓去都瞓唔到, 結果就起身玩電腦, 成點至瞓到...好眼瞓呀~~~~  July 07 悶~悶~悶今日真係覺得好悶, 唔想做野, 又好眼瞓, 但尋晚都係12:00瞓, 都唔係好夜, 近排成日都覺得好攰又好悶...唉...我做咩呀???以前都唔會咁, 成日都鬼打咁精神, 仲成日都好開心,周圍整估人,依家成日都好似好upset咁...........
聽日又星期六啦, 我覺得我依家好似成日都好晒時間咁, 好浪費個人生, 自己好feel到 July 06 轉場啦!!!我哋今日終於轉場啦...今日第一堂轉過去"青年會書院"跳舞, 唔知依家D學校會轉成點呢???不過轉成點都好, 要玩就要行咗5層樓樓梯先...唉...行完5層樓梯, 都唔知仲有冇力跳舞...希望一陣有驚喜啦  |
點算呀...有冇人教到我點可以加返上去呀...
, 今個月幾時至過完呀~~~
|
|
